Vilayət Eyvazov kimdir?
General-polkovnik Vilayət Süleyman oğlu Eyvazov azərbaycanlı siyasətçi, polis, Azərbaycanın 8-ci daxili işlər naziridir.
Vilayət Eyvazov yaşı
Vilayət Eyvazov 28 iyun 1968-ci ildə Culfa rayonunun Əbrəqunis kəndində anadan olmuşdur.
Vilayət Eyvazov təhsili
İlkin təhsilini Culfada alan Vilayət Eyvazov 2000-ci ildə Daxili İşlər Nazirliyinin Polis Akademiyasını fərqlənmə diplomu ilə bitirmişdir.
Vilayət Eyvazov fəaliyəti
1994-cü ilin noyabr ayından Daxili İşlər Orqanlarında xidmət edir. Daxili İşlər Orqanlarında fəaliyyətə polis nəfəri kimi başlamış, cinayət-axtarış strukturlarında müxtəlif vəzifələrdə xidmət etmişdir. DİN-in Baş Cinayət Axtarış İdarəsində şöbə rəisinin müavini, 2001-2005-ci illərdə Baş Mütəşəkkil Cinayətkarlıqla Mübarizə İdarəsinin rəis müavini və rəisi vəzifələrində işləmişdir.
Azərbaycan Respublikası Prezidentinin 2004-cü ildə verdiyi sərəncam ilə polis general-mayoru, 2006-cı ildə polis general-leytenantı ali xüsusi rütbəsində çalışmışdır.
14 aprel 2005-ci il tarixli qərar ilə Vilayət Eyvazov Azərbaycan Respublikası daxili işlər nazirinin müavini təyin olunmuşdur.
2006-cı il tarixli 1546 nömrəli Sərəncamı ilə polis general-leytenantı ali xüsusi rütbəsi verilmişdir.
Azərbaycan Respublikası Prezidentinin 2016-cı il il tarixli sərəncamı ilə daxili işlər nazirinin birinci müavini vəzifəsinə təyin olunub.
Prezident İlham Əliyevin 2019-cu il iyun ayının 20-də imzaladığı sərəncama əsasən Vilayət Eyvazov daxili işlər nazirinin birinci müavini vəzifəsindən azad edilinb. Dövlət başçısının digər sərəncamı ilə Vilayət Eyvazov Azərbaycan Respublikasının daxili işlər naziri vəzifəsinə təyin edilib.
O 2019-cu il tarixli 1299 nömrəli Sərəncamı ilə general-polkovnik ali hərbi rütbəsi almışdır.
Vilayət Eyvazov mükafatları
Cinayətkarlığa qarşı mübarizə işinin təşkilində, dövlətin Konstitusiya və dövlət quruluşunun müdafiəsində, əmin-amanlığın təmin edilməsində səmərəli fəaliyyətinə görə müxtəlif mükafatlara layiq görülmüşdür.
Azərbaycan Respublikası Prezidentinin 2002-ci il 30 iyun tarixli 725 nömrəli Fərmanı ilə “Azərbaycan Bayrağı”, 2014-cü il 1 iyul tarixli 598 nömrəli Sərəncamı ilə 2-ci dərəcəli “Vətənə xidmətə görə”, 2018-ci il 29 iyun tarixli 263 nömrəli Sərəncamı ilə 1-ci dərəcəli “Vətənə xidmətə görə” ordenləri, 2008-ci il 1 iyul tarixli 2912 nömrəli Sərəncamı ilə “İgidliyə görə” medalı ilə təltif olunmuşdur.
Mənbə: az.wikipedia
